Iturria: Materialen Fisika Zentroa
CSICek Donostian inauguratu du Materialen Fisika Zentro berri bat
Abenduaren 20an Donostian inauguratu zen Materialen Fisika Zentro berria, Ikerkuntza Zientifikoen Goi Kontseiluaren (CSIC) eta Euskal Herriko Unibertsitatearen arteko zentro mistoa. Instalazio berri hau kokapen estrategikoan dago, ikerketa zentro eta institutu anitzez inguratua: Kimika Fakultatearen parean, Joxe Mari Korta I+G+b zentroaren atzean eta Donostia International Physics Center (DIPC) delakoaren aurrean.
Eraikinak, Francisco Xavier Aguilar Borras
arkitektoak diseinatua, 4.946,81 m2ko eraikitako azalera eta
3.666,65m2ko azalera erabilgarria du, lau solairutan banatuta:
erdisotoa, beheko solairua, lehenengo solairua eta bigarren solairua.
Zazpi milioi euroko inbertsioa egin du CSICek; EHUk, berriz, lursaila
jarri du.
Materialen Fisika Zentroa (CFM), CSICen materialen zientzia
institutuen sarearen parte da. 1999an sortu zuten, Bizkaiko Campuseko
CSIC-UPV/EHUko Biofisika Unitatearekin batera, UPV/EHUk barne hartzen
duen beste zentro misto bat. Hala eta guztiz ere, orain badu bere
eraikina.
Materialen Fisika Zentroaren (MFZ) zuzendaritza osatzen dute
Juan Colmenero de Leonek, UPV/EHUko Materia Kondentsatuaren Fisika
katedratikoak eta zentroaren zuzendariak, eta Ricardo Diez Muiñok,
CSICeko zientzialari titularra etazuzendariordeak.
Zentro berriaren jarduera ikertzaile berria da materialen
propietateen azterketa teorikoa eta esperimentala, eskala
mikroskopikoan eta mesoskopikoan. Sistema nanoegituratuak, material
polimerikoak edota material fotonikoak, besteak beste, dira zentro
honen azterketa gaiak.